麻辣檸檬青瓜絲拌蕎麥麵
夏日炎炎，用一道清新爽口嘅冷麵作為宵夜，的確係唔錯嘅選擇！
市面一般嘅冷麵不外乎係出水過冷河，然之後加入冷麵汁就食得！而我就喜歡加入醃製過嘅青瓜絲！除咗增加味道嘅層次之外，亦同時間豐富每一啖嘅口感！真係會越食越停唔到口㗎！
而且，今次嘅青瓜絲我嘗試加入切碎咗嘅檸檬葉去增強清新嘅香味，與及加入麻辣紅油去豐富味道嘅層次！再加上日式白高湯裡面的昆布，鰹魚汁的鮮甜，呢碗冷麵點會唔好食㗎😍
做法
。檸檬葉切碎
。青瓜用刨絲刨刨出嚟，加鹽醃出水後，再用蒜泥、醋、辣油、麻油調味！雪凍
。白高湯以1:7比例稀釋，雪凍！
。蕎麥麵煮好，過冷河加入開好白高湯，再放入醃好的青瓜絲即可享用！